अस्तित्व पटकथा भाग २७

 अस्तित्व पटकथा भाग २७,

फिल्म स्क्रिप्ट,मराठी पटकथा,स्टोरी,marathi film,story,

इकडे अपघात झालेल्या गाडीवर दगड मारा होताच. जयेश व त्याचे मित्र गाडी तेथे टाकून पळाले. थोडे अंतर गेल्यावर सुरक्षित आहोत हे जाणल्यावर जयेशने आपल्या घरी फोन केला.

जयेश, “हॅलो , हॅलो.”

बाबा, “ बोल कोण जयेश, कुठे आहेस. असा घाबरल्यासारखा आवाज का येतोय तुला.”

 जयेश, “बाबा, गाडीचा अपघात झाला आहे. मी शहराबाहेर रिंग रोडला आहे.”

जयेशने घडलेली घटना सांगितली.

बाबा, “ हे बघ, थांब तिथे, आलो लगेच.”

थोड्या वेळात जयेशचे बाबा येतात. साधूंची पाहणी करुन त्यांना हॉस्पिटल मध्ये नेऊन उपचार करतात. ड्रायव्हरला इशारा करुन ती गाडी कुणाला कळायच्या आधी घेऊन जायला सांगतात. आणखी एका कर्मचाऱ्यास जयेशला शोधून घेऊन जायला सांगतात. कर्मचारी ती गाडी घेऊन निघतो. इतर साधूंच्या भोजनाची व्यवस्था करतात. कर्मचारी अरुणला फोन करुन 

बॉस, “ हॅलो अरुण.”

अरुण, “हा बोला सर.”

बॉस, “ अरुण गाडी थेट आपल्या गोडाऊन शेजारील सर्वेक्षण विभागात जाऊ दे.”

अरुण, “ जी सर, पण काच बदलायला हवी.”

बॉस, “ ते तिथेच करु, आपल्या ओळखीचे स्लाईडिंगवाले बोलावून, उगाच शंका नको.”

अरुण, “ जी सर.”

अरुण गाडी घेऊन थेट सर्वेक्षण विभागात जातो. ज्या ठिकाणी कंपनीचा मोठा सर्वेक्षण विभाग असतो.”

त्या ठिकाणी गाडी आतील बाजूस पार्क केली जाते. अरुणने तेथील विभाग कर्मचाऱ्यास तिची किल्ली दिली. तो त्यास म्हणाला, “ गाडी नंबर सिक्स.”

अरुण पार्किंग एरियात त्या दुसऱ्या सहा नंबरवाल्या गाडीची चावी घेऊन आला. व ती गाडी घेऊन निघून गेला.

…….. ……… ………

बॉसने पाठवलेली दुसरी गाडी वरुण घेऊन थोडं पुढे गेला. त्याने कॉल केला. रिंग वाजू लागली. जयेशने फोन उचलला. “ हा बोला.”

वरुण, “ जयेश बाबा कुठे आहेत. मी वरुण बोलतोय.”

जयेश, “ पुढे थोड्या अंतरावर रानात आंब्याखाली.”

वरुण, “मी आता वळणावर पुलाजवळ आहे. तुम्ही कोठे आहात?”

जयेश, “तिथून खाली पुढे जवळचं.”

 वरुण, “ मी लोकेशन पाठवतो. तिथे या.”

वरुण लोकेशन पाठवतो. जयेश आपल्या मित्रांना घेऊन त्या दिशेने जातो. थोड्याच वेळात ते तिथे पोहोचले. वरुण गाडीचे दार उघडतो. ती गाडीत बसतात. दार लॉक होते. गाडी निघते. थोडे अंतर गेल्यावर वरुणला फोन येतो. वरुण गाडी चालवत फोन घेतो.

वरुण, “हॅलो सर, बोला.”

बॉस, “जयेश मिळाला का?”

 वरुण, “ हो.”

बॉस, “ त्यांना थेट फार्म हाऊसवर घेऊन जा.”

वरुण, “हा सर.”

ती चौघे भेदरलेल्या अवस्थेत होती. 

जयेश, “ काही घाबरण्यासारखं नाही ना. त्यातील एखादा साधू ..,”

वरुण, “ थोडे जखमी झालेत. बॉस पाहतील ते. तू निश्चित रहा.”

 जयेश, “ आपण कोठे चाललोय.”

वरुण, “ ते पोहोचल्यावर कळेलच.”

गाडी वेगाने फार्म हाऊस रोडला लागते.

…………… ……..

क्रमशः पुढे ........